ਚੰਡੀਗੜ੍ਹ ਦੀ ਇਨਫੋਰਸਮੈਂਟ ਟੀਮ ਨੇ ਸੈਕਟਰ 34 ਵਿੱਚ ਵੱਖ-ਵੱਖ ਪ੍ਰਮੁੱਖ ਕੋਚਿੰਗ ਸੰਸਥਾਵਾਂ ਦਾ ਨਿਰੀਖਣ ਕੀਤਾ
ਨਜਾਇਜ਼ ਵਰਤੋਂ ਵਾਲੇ ਬੇਸਮੈਂਟ ਖਾਲੀ ਕਰਨ ਦੇ ਹੁਕਮ
Chandigarh,31 July,2024,(Bol Punjab De):- ਦਿੱਲੀ ਵਿੱਚ ਇੱਕ ਕੋਚਿੰਗ ਇੰਸਟੀਚਿਊਟ (Coaching Institute) ਦੇ ਬੇਸਮੈਂਟ ਵਿੱਚ ਤਿੰਨ ਵਿਦਿਆਰਥੀਆਂ ਦੀ ਦਰਦਨਾਕ ਮੌਤ ਦੇ ਮੱਦੇਨਜ਼ਰ, ਅਸਟੇਟ ਆਫਿਸ, ਚੰਡੀਗੜ੍ਹ ਦੀ ਇਨਫੋਰਸਮੈਂਟ ਟੀਮ ਨੇ ਸੈਕਟਰ 34 ਵਿੱਚ ਵੱਖ-ਵੱਖ ਪ੍ਰਮੁੱਖ ਕੋਚਿੰਗ ਸੰਸਥਾਵਾਂ ਦਾ ਨਿਰੀਖਣ ਕੀਤਾ,ਇਹਨਾਂ ਵਿੱਚੋਂ ਕੁਝ ਕੋਚਿੰਗ ਸੰਸਥਾਵਾਂ ਦੇ ਬੇਸਮੈਂਟਾਂ ਦੀ ਵਰਤੋਂ ਰੀਡਿੰਗ ਰੂਮ (Reading Room) ਜਾਂ ਹੋਰ ਸਹਾਇਕ ਗਤੀਵਿਧੀਆਂ ਲਈ ਕੀਤੀ ਜਾ ਰਹੀ ਸੀ,ਜੋ ਕਿ ਬਿਲਡਿੰਗ ਉਪ-ਨਿਯਮਾਂ ਅਨੁਸਾਰ ਰਹਿਣ ਯੋਗ ਵਰਤੋਂ ਲਈ ਸਵੀਕਾਰਯੋਗ ਨਹੀਂ ਹੈ।
ਅਸਟੇਟ ਦਫ਼ਤਰ (Estate Office) ਦੇ ਅਧਿਕਾਰੀਆਂ ਨੇ ਹਦਾਇਤ ਕੀਤੀ ਕਿ ਇਮਾਰਤੀ ਉਪ-ਨਿਯਮਾਂ ਦੇ ਉਲਟ ਅਜਿਹੇ ਬੇਸਮੈਂਟਾਂ ਨੂੰ ਰਹਿਣ ਯੋਗ ਮਕਸਦ ਲਈ ਨਾ ਵਰਤਿਆ ਜਾਵੇ,ਅਸਟੇਟ ਦਫਤਰ ਦੇ ਅਧਿਕਾਰੀਆਂ ਦੀ ਮੌਜੂਦਗੀ ਵਿੱਚ ਅਜਿਹੇ ਬੇਸਮੈਂਟਾਂ ਨੂੰ ਤੁਰੰਤ ਖਾਲੀ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਅਤੇ ਸਾਰੀਆਂ ਕੋਚਿੰਗ ਸੰਸਥਾਵਾਂ ਨੂੰ ਨੋਟਿਸ ਜਾਰੀ ਕੀਤਾ ਗਿਆ ਕਿ ਉਹ ਕਿਸੇ ਵੀ ਕੋਚਿੰਗ ਕਲਾਸਾਂ ਜਾਂ ਸਬੰਧਤ ਗਤੀਵਿਧੀਆਂ ਲਈ ਬੇਸਮੈਂਟਾਂ ਦੀ ਵਰਤੋਂ ਨਾ ਕਰਨ,ਆਉਣ ਵਾਲੇ ਦਿਨਾਂ ਵਿੱਚ ਸ਼ਹਿਰ ਦੇ ਬਾਕੀ ਕੋਚਿੰਗ ਸੰਸਥਾਵਾਂ ਦੀ ਵੀ ਜਾਂਚ ਕੀਤੀ ਜਾਵੇਗੀ ਤਾਂ ਜੋ ਵਿਦਿਆਰਥੀਆਂ ਦੀ ਸੁਰੱਖਿਆ ਨਾਲ ਕੋਈ ਸਮਝੌਤਾ ਨਾ ਕੀਤਾ ਜਾ ਸਕੇ।
