ਅਫਗਾਨਿਸਤਾਨ ਖਿਲਾਫ ਅਗਲੇ ਹਫਤੇ ਤੋਂ ਖੇਡੀ ਜਾਣ ਵਾਲੀ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ ਲਈ ਭਾਰਤੀ ਟੀਮ ਦਾ ਐਲਾਨ

BolPunjabDe Buero

ਅਫਗਾਨਿਸਤਾਨ ਖਿਲਾਫ ਅਗਲੇ ਹਫਤੇ ਤੋਂ ਖੇਡੀ ਜਾਣ ਵਾਲੀ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ (T-20 Series) ਲਈ ਭਾਰਤੀ ਟੀਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ,ਪਿਛਲੇ ਦੋ ਦਿਨਾਂ ਤੋਂ ਇਸ ਨੂੰ ਲੈ ਕੇ ਚਰਚਾ ਸੀ ਕਿ ਚੋਣ ਕਰਤਾ ਟੀਮ ਵਿਚ ਰੋਹਿਤ ਸ਼ਰਮਾ ਤੇ ਵਿਰਾਟ ਕੋਹਲੀ ਨੂੰ ਮੌਕਾ ਦੇਣਗੇ ਜਾਂ ਨਹੀਂ,ਟੀਮ ਚੋਣ ਵਿਚ ਇਨ੍ਹਾਂ ਦੋਵਾਂ ਦੇ ਨਾਂ ‘ਤੇ ਚਰਚਾ ਹੋਈ ਤੇ ਜੋ ਟੀਮ ਸਾਹਮਣੇ ਆਈ ਹੈ ਉਸ ਵਿਚ ਦੋਵੇਂ ਹੀ ਦਿੱਗਜ਼ਾਂ ਦਾ ਨਾਂ ਹੈ,ਇਸ ਨਾਲ ਚੋਣਕਰਤਾਵਾਂ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਰੋਹਿਤ ਸ਼ਰਮਾ ਤੇ ਵਿਰਾਟ ਕੋਹਲੀ ਟੀ-20 ਵਿਸ਼ਵ ਕੱਪ (T-20 World Cup) ਟੀਮ ਹਿੱਸਾ ਹੋਣਗੇ,ਭਾਰਤੀ ਟੀਮ ਅਫਗਾਨਿਸਤਾਨ ਖਿਲਾਫ ਤਿੰਨ ਮੈਚਾਂ ਦੀ ਸੀਰੀਜ ਦਾ ਪਹਿਲਾ ਮੁਕਾਬਲਾ 11 ਜਨਵਰੀ ਨੂੰ ਮੋਹਾਲੀ ਵਿਚ ਖੇਡਣ ਉਤਰੇਗੀ,ਦੂਜਾ ਮੁਕਾਬਲਾ ਇੰਦੌਰ ਵਿਚ ਖੇਡਿਆ ਜਾਣਾ ਹੈ ਜਦੋਂ ਕਿ ਇਸ ਸੀਰੀਜ ਦਾ ਆਖਰੀ ਟੀ-20 ਮੈਚ 17 ਜਨਵਰੀ ਨੂੰ ਬੇਂਗਲੁਰੂ ਵਿਚ ਹੋਵੇਗਾ,ਭਾਰਤ ਤੇ ਅਫਗਾਨਿਸਤਾਨ ਵਿਚ ਹੁਣ ਤੱਕ ਸਿਰਫ 5 ਟੀ-20 ਇੰਟਰਨੈਸ਼ਨਲ ਮੈਚ (T-20 International Match) ਖੇਡੇ ਗਏ ਹਨ,ਇਨ੍ਹਾਂ ਵਿਚੋਂ ਟੀਮ ਇੰਡੀਆ ਨੇ 4 ਮੈਚ ਆਪਣੇ ਨਾਂ ਕੀਤੇ ਹਨ ਜਦੋਂ ਕਿ ਇਕ ਮੁਕਾਬਲਾ ਖੇਡਿਆ ਨਹੀਂ ਜਾ ਸਕਿਆ ਸੀ।