BolPunjabDe Buero
ਪੰਜਾਬ ਦੇ ਜਲੰਧਰ ਛਾਉਣੀ ਦੇ ਸਿੱਖ LI ਫੁੱਟਬਾਲ ਗਰਾਊਂਡ ਵਿਖੇ 12 ਦਸੰਬਰ ਤੋਂ ਫੌਜ ਦੀ ਭਰਤੀ ਰੈਲੀ ਸ਼ੁਰੂ ਕੀਤੀ ਜਾ ਰਹੀ ਹੈ,ਇਹ ਭਰਤੀ ਕਰੀਬ 8 ਦਿਨਾਂ ਤੱਕ ਚੱਲੇਗੀ,ਥਾਣਾ ਡਿਵੀਜ਼ਨ ਨੰਬਰ-7 ਅਧੀਨ ਆਉਂਦੇ ਅਰਬਨ ਅਸਟੇਟ ਫੇਜ਼-2 (Urban Estate Phase-II) ਦੇ ਗੇਟ ਤੋਂ ਗਰਾਊਂਡ (Ground) ਵਿੱਚ ਦਾਖ਼ਲਾ ਹੋਵੇਗਾ,ਇਸ ਸਬੰਧੀ ਸਾਰੀ ਜਾਣਕਾਰੀ ਭਾਰਤੀ ਫੌਜ ਦੀ ਵੈੱਬਸਾਈਟ ‘ਤੇ ਵੀ ਦਿੱਤੀ ਗਈ ਹੈ।
ਭਾਰਤੀ ਫੌਜ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਆਰਮੀ ਅਗਨੀਵੀਰ ਸੋਲਜਰ ਜਨਰਲ ਡਿਊਟੀ, ਕਲਰਕ/ ਸਟੋਰਕੀਪਰ ਟੈਕਨੀਕਲ, ਟੈਕਨੀਕਲ, ਟਰੇਡਸਮੈਨ, ਨਰਸਿੰਗ ਅਸਿਸਟੈਂਟ/ਨਰਸਿੰਗ ਅਸਿਸਟੈਂਟ (ਵੈਟਰਨਰੀ), ਸੋਲਜਰ ਫਾਰਮਾਸਿਸਟ, ਹਲਦਾਰ (ਸਰਵੇਇਰ ਆਟੋਮੇਟਿਡ ਕਾਰਟੋਗ੍ਰਾਫਰ) ਅਤੇ ਧਾਰਮਿਕ ਅਧਿਆਪਕ (ਜੂਨੀਅਰ ਕਮਿਸ਼ਨਡ ਅਫਸਰ) ਦੀ ਭਰਤੀ ਕਰੇਗਾ,12 ਦਸੰਬਰ ਤੋਂ 18 ਦਸੰਬਰ ਦੇ ਵਿਚਕਾਰ ਆਯੋਜਿਤ ਕੀਤਾ ਜਾਵੇਗਾ,ਜਦਕਿ ਔਰਤਾਂ ਲਈ ਇਹ ਸਮਾਂ 19 ਅਤੇ 20 ਦਸੰਬਰ ਤੈਅ ਕੀਤਾ ਗਿਆ ਹੈ।
ਭਰਤੀ ਰੈਲੀ ਲਈ ਐਡਮਿਟ ਕਾਰਡ (Admit Card) ਉਮੀਦਵਾਰਾਂ ਨੂੰ ਉਨ੍ਹਾਂ ਦੇ ਰਜਿਸਟਰਡ ਈ-ਮੇਲ ਆਈਡੀ (Registered Email Id) ਰਾਹੀਂ ਜਾਰੀ ਕੀਤੇ ਗਏ ਹਨ,ਜੋ ਰਜਿਸਟਰਡ ਆਈ.ਡੀ. ਰਾਹੀਂ ਸਿੱਧੇ ਵੈੱਬਸਾਈਟ ਤੋਂ ਐਡਮਿਟ ਕਾਰਡ ਡਾਊਨਲੋਡ (Admit Card Download) ਕਰ ਸਕਦੇ ਹਨ,ਭਰਤੀ ਲਈ ਦਸਤਾਵੇਜ਼ਾਂ ਦੀ ਸੂਚੀ ਅਧਿਕਾਰਤ ਵੈੱਬਸਾਈਟ www.joinIndianarmy.nic.in ‘ਤੇ ਪ੍ਰਦਾਨ ਕੀਤੀ ਗਈ ਹੈ।
