ਬਲਾਕ ਕਾਂਗਰਸ ਦੇ ਨਵੇਂ ਬਣੇ ਪ੍ਰਧਾਨ ਮਨੀ ਵੜ੍ਹੈਚ ਸਨਮਾਨਤ

ਦਰਸ਼ਨ ਸਿੰਘ ਚੌਹਾਨ, ਸੁਨਾਮ

ਯੂਥ ਕਾਂਗਰਸ ਦੇ ਵਿਧਾਨ ਸਭਾ ਹਲਕਾ ਸੁਨਾਮ ਦੇ ਰਹਿ ਚੁੱਕੇ ਪ੍ਰਧਾਨ ਅਤੇ ਲਗਾਤਾਰ ਦੂਜੀ ਵਾਰ ਕੌਂਸਲਰ ਬਣੇ ਮਨਪ੍ਰੀਤ ਸਿੰਘ ਮਨੀ ਵੜ੍ਹੈਚ ਨੂੰ ਬਲਾਕ ਕਾਂਗਰਸ ਕਮੇਟੀ ਦਾ ਪ੍ਰਧਾਨ ਬਣਾਏ ਜਾਣ ਤੇ ਇਲਾਕੇ ਦੇ ਟਕਸਾਲੀ ਕਾਂਗਰਸੀਆਂ ਨੇ ਇੱਕਜੁੱਟਤਾ ਦਿਖਾਉਂਦਿਆਂ ਭਰਵੀਂ ਮੀਟਿੰਗ ਕਰਕੇ ਸਨਮਾਨਿਤ ਕੀਤਾ। ਕਾਂਗਰਸ ਪਾਰਟੀ ਨੂੰ ਸਮਰਪਿਤ ਆਗੂ ਪਵਨਜੀਤ ਸਿੰਘ ਹੰਝਰਾ ਦੇ ਨਿਵਾਸ ਤੇ ਹੋਈ ਮੀਟਿੰਗ ਵਿੱਚ ਹਾਜ਼ਰ ਸੀਨੀਅਰ ਕਾਂਗਰਸ ਆਗੂਆਂ ਸਰਿੰਦਰ ਸਿੰਘ ਭਰੂਰ, ਅਜੈਬ ਸਿੰਘ ਸੱਗੂ, ਜਗਦੇਵ ਸਿੰਘ ਦੌਲਾ ਸਿੰਘ ਵਾਲਾ, ਸਾਬਕਾ ਚੇਅਰਮੈਨ ਮੁਨੀਸ਼ ਸੋਨੀ,ਪ੍ਰਮੋਦ ਅਵਸਥੀ, ਮੱਘਰ ਸਿੰਘ ਮਰਦਖੇੜਾ ,ਮਲਕੀਤ ਸਿੰਘ ਥਿੰਦ ,ਇੰਦਰਜੀਤ ਸਿੰਘ ਕੰਬੋਜ ਅਤੇ ਜਸਵੰਤ ਸਿੰਘ ਭੰਮ ਨੇ ਮਨਪ੍ਰੀਤ ਸਿੰਘ ਮਨੀ ਵੜ੍ਹੈਚ ਨੂੰ ਬਲਾਕ ਕਾਂਗਰਸ ਕਮੇਟੀ ਸੁਨਾਮ ਦਾ ਪ੍ਰਧਾਨ ਨਿਯੁਕਤ ਕੀਤੇ ਜਾਣ ਤੇ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਅਤੇ ਕੁੱਲ ਹਿੰਦ ਕਾਂਗਰਸ ਦੇ ਬੁਲਾਰੇ ਸਾਬਕਾ ਕੈਬਨਿਟ ਮੰਤਰੀ ਵਿਜੈਇੰਦਰ ਸਿੰਗਲਾ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਪਾਰਟੀ ਨੇ ਇੱਕ ਮਿਹਨਤੀ ਤੇ ਤਜ਼ਰਬੇਕਾਰ ਨੌਜਵਾਨ ਆਗੂ ਨੂੰ ਬਲਾਕ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਦੀ ਜ਼ਿੰਮੇਵਾਰੀ ਸੌਂਪਕੇ ਕਾਂਗਰਸੀ ਵਰਕਰਾਂ ਵਿੱਚ ਕੰਮ ਕਰਨ ਦੀ ਚਿਣਗ ਪੈਦਾ ਹੋਵੇਗੀ। ਖਾਸ ਗੱਲ ਇਹ ਰਹੀ ਹਲਕੇ ਦੇ ਕਾਂਗਰਸੀਆਂ ਦੀ ਇੱਕਜੁੱਟਤਾ ਲੰਮੇ ਸਮੇਂ ਤੋਂ ਬਾਅਦ ਦੇਖਣ ਨੂੰ ਮਿਲ ਹੈ। ਬਲਾਕ ਕਾਂਗਰਸ ਦੇ ਨਵੇਂ ਬਣੇ ਪ੍ਰਧਾਨ ਮਨਪ੍ਰੀਤ ਸਿੰਘ ਮਨੀ ਵੜ੍ਹੈਚ ਨੇ ਮੀਟਿੰਗ ਵਿੱਚ ਹਾਜ਼ਰ ਸੀਨੀਅਰ ਕਾਂਗਰਸੀ ਆਗੂਆਂ ਨੂੰ ਭਰੋਸਾ ਦਿਵਾਇਆ ਕਿ ਉਹ ਪਾਰਟੀ ਨੂੰ ਬੂਥ ਪੱਧਰ ਤੇ ਮਜ਼ਬੂਤ ਕਰਨ ਲਈ ਸਾਰੇ ਆਗੂਆਂ ਨੂੰ ਨਾਲ ਲੈਕੇ ਪਾਰਟੀ ਨੂੰ ਮਜ਼ਬੂਤ ਕਰਨ ਲਈ ਮੁਹਿੰਮ ਚਲਾਵਾਂਗੇ। ਕਾਂਗਰਸ ਆਗੂਆਂ ਰਿੰਪਲ ਧਾਲੀਵਾਲ,ਯੂਥ ਕਾਂਗਰਸ ਹਲਕਾ ਸੁਨਾਮ ਦੇ ਵਾਈਸ ਪ੍ਰਧਾਨ ਜੱਸ ਜੋਸ਼ਨ, ਰੁਪਿੰਦਰ ਰੂਬੀ,ਸ਼ਸ਼ੀ ਗਰਗ,ਕ੍ਰਿਪਾਲ ਸਿੰਘ ਭੰਗੂ, ਮੱਖਣ ਲਾਲਕਾ,ਪਰਮਜੀਤ ਲਾਲਕਾ,ਸੁਰੇਸ਼ ਮਰਹੜ,ਭੋਲਾ ਖਡਿਆਲੀਆ ,ਪ੍ਰਿਤਪਾਲ ਸ਼ਰਮਾ,ਰਮੇਸ਼ ਕੁਮਾਰ, ਕਾਲਾ ਬਸੀ, ਨੰਦ ਗੋਪਾਲ,ਵਿਕਰਾਂਤ ਸ਼ਰਮਾ, ਡਾ.ਸੋਮਨਾਥ ਆਦਿ ਆਗੂ ਵੀ ਸ਼ਾਮਲ ਹੋਏ। ਉਕਤ ਆਗੂਆਂ ਨੇ ਬਲਾਕ ਪ੍ਰਧਾਨ ਮਨੀ ਵੜ੍ਹੈਚ ਨੂੰ ਭਰੋਸਾ ਦਿਵਾਇਆ ਕਿ ਉਹ ਪਾਰਟੀ ਦੀ ਬਿਹਤਰੀ ਲਈ ਕੰਮ ਕਰਨਗੇ।