ਅੰਮ੍ਰਿਤਸਰ ‘ਚ ਦਵਾ ਫੈਕਟਰੀ ‘ਚ ਲੱਗੀ ਭਿਆਨਕ ਅੱਗ

BolPunjabDe Buero

ਅੰਮ੍ਰਿਤਸਰ ਦੇ ਮਜੀਠਾ ਰੋਡ (Majitha Road) ‘ਤੇ ਸਥਿਤ ਨਾਗਕਲਾਂ ‘ਚ ਸਥਿਤ ਕੁਆਲਿਟੀ ਫਾਰਮਾਸਿਊਟੀਕਲ ਲਿਮਟਿਡ ਨਾਮਕ ਫਾਰਮਾਸਿਊਟੀਕਲ ਫੈਕਟਰੀ (A Pharmaceutical Factory Named Quality Pharmaceutical Limited) ‘ਚ ਦੁਪਹਿਰ 3.30 ਵਜੇ ਭਿਆਨਕ ਅੱਗ ਲੱਗ ਗਈ,ਅੱਗ ਲੱਗਣ ਕਾਰਨ ਫੈਕਟਰੀ ਵਿੱਚ ਪਏ 500 ਦੇ ਕਰੀਬ ਕੈਮੀਕਲ ਦੇ ਡਰੰਮ ਇੱਕ ਤੋਂ ਬਾਅਦ ਇੱਕ ਫਟ ਗਏ,ਇਸ ਹਾਦਸੇ ‘ਚ 4 ਲੋਕਾਂ ਦੀ ਮੌਤ ਹੋ ਗਈ,ਜਦਕਿ ਕਈ ਲੋਕ ਗੰਭੀਰ ਰੂਪ ‘ਚ ਝੁਲਸ ਗਏ,ਘਟਨਾ ਦੇ ਸਮੇਂ ਫੈਕਟਰੀ ‘ਚ 1600 ਕਰਮਚਾਰੀ ਕੰਮ ਕਰ ਰਹੇ ਸਨ,ਅੱਗ ਲੱਗਣ ਤੋਂ ਬਾਅਦ ਭਗਦੜ ਮੱਚ ਗਈ।

ਏਅਰ ਫੋਰਸ (Air Force) ਦੀਆਂ ਗੱਡੀਆਂ ਸਮੇਤ 80 ਫਾਇਰ ਟੈਂਡਰਾਂ ਨੇ ਰਾਤ 9:30 ਵਜੇ ਤੱਕ 80 ਫੀਸਦੀ ਅੱਗ ‘ਤੇ ਕਾਬੂ ਪਾ ਲਿਆ,ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ,ਫੈਕਟਰੀ ਮਾਲਕ ਅਨੁਸਾਰ ਫੈਕਟਰੀ ਵਿੱਚ 1600 ਦੇ ਕਰੀਬ ਮੁਲਾਜ਼ਮ ਕੰਮ ਕਰਦੇ ਹਨ,ਅੱਗ ਲੱਗਣ ਦੀ ਸੂਚਨਾ ਮਿਲਦਿਆਂ ਹੀ ਫਾਇਰ ਬ੍ਰਿਗੇਡ (Fire Brigade) ਦੀਆਂ ਗੱਡੀਆਂ ਮੌਕੇ ’ਤੇ ਪੁੱਜੀਆਂ ਅਤੇ ਕਾਫੀ ਮੁਸ਼ੱਕਤ ਮਗਰੋਂ ਅੱਗ ’ਤੇ ਕਾਬੂ ਪਾਇਆ,ਫਾਰਮਾਸਿਊਟੀਕਲ ਫੈਕਟਰੀ (Pharmaceutical Factory) ਵਿੱਚ ਲੱਗੀ ਅੱਗ ਨੂੰ ਬੁਝਾਉਣ ਸਮੇਂ ਫਾਇਰ ਵਿਭਾਗ ਦੇ ਮੁਲਾਜ਼ਮਾਂ ਨੂੰ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ,ਅੱਗ ਲੱਗਣ ਕਾਰਨ ਸ਼ੁਰੂ ਵਿੱਚ ਧੂੰਆਂ ਹੀ ਨਿਕਲਿਆ।