ਕਾਰਗਿਲ ਵਿਚ ਸ਼ਹੀਦ ਹੋਇਆ ਪੰਜਾਬ ਦਾ ਜਵਾਨ,ਸ਼ਹੀਦ ਜਵਾਨ ਦੀ ਦੇਹ ਭਲਕੇ ਉਸ ਦੇ ਜੱਦੀ ਪਿੰਡ ਪਹੁੰਚੇਗੀ

BolPunjabDe Buero

ਜ਼ਿਲ੍ਹੇ ਦੇ ਪਿੰਡ ਛਾਜਲੀ ਦਾ ਜਵਾਨ ਪਰਮਿੰਦਰ ਸਿੰਘ (Parminder Singh) ਕਾਰਗਿਲ (Kargil) ਵਿਚ ਸ਼ਹੀਦ ਹੋ ਗਿਆ ਹੈ,ਸ਼ਹੀਦ ਜਵਾਨ ਦੀ ਦੇਹ ਭਲਕੇ ਉਸ ਦੇ ਜੱਦੀ ਪਿੰਡ ਪਹੁੰਚੇਗੀ,ਪਰਮਿੰਦਰ ਸਿੰਘ (25) ਪੰਜਾਬ ਸਿੱਖ ਰੈਜੀਮੈਂਟ ਯੂਨਿਟ (Punjab Sikh Regiment Unit) 31 ਦਾ ਜਵਾਨ ਸੀ,ਜਿਸ ਦਾ ਵਿਆਹ ਇਕ ਸਾਲ ਪਹਿਲਾਂ ਹੋਇਆ ਸੀ,ਮਿਲੀ ਜਾਣਕਾਰੀ ਅਨੁਸਾਰ ਪਰਮਿੰਦਰ ਸਿੰਘ ਦਾ ਭਰਾ ਵੀ ਫ਼ੌਜ ਵਿਚ ਸੇਵਾਵਾਂ ਨਿਭਾ ਰਿਹਾ ਹੈ,ਅਤੇ ਸ਼ਹੀਦ ਦੇ ਪਿਤਾ ਸੇਵਾਮੁਕਤ ਫ਼ੌਜੀ ਹਨ,ਮਿਲੀ ਜਾਣਕਾਰੀ ਅਨੁਸਾਰ 2 ਅਕਤੂਬਰ ਨੂੰ ਪਰਮਿੰਦਰ ਸਿੰਘ ਦੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਸੀ ਪਰ  3 ਅਕਤੂਬਰ ਨੂੰ ਰੂਟੀਨ ਟ੍ਰੇਨਿੰਗ (Routine Training) ਦੌਰਾਨ ਵਾਪਰੇ ਹਾਦਸੇ ਵਿਚ ਉਸ ਦੀ ਜਾਨ ਚਲੀ ਗਈ,ਦਸਿਆ ਜਾ ਰਿਹਾ ਹੈ ਕਿ ਪਰਮਿੰਦਰ ਸਿੰਘ 7 ਸਾਲ ਪਹਿਲਾ ਫ਼ੌਜ ਵਿਚ ਭਰਤੀ ਹੋਇਆ ਸੀ,ਉਸ ਦੀ ਦੇਹ ਭਲਕੇ 5 ਅਕਤੂਬਰ ਨੂੰ ਪਿੰਡ ਛਾਜਲੀ ਪਹੁੰਚੇਗੀ।