ਭਾਰਤੀ ਸਰਹੱਦ ‘ਚ ਫਿਰ ਦਾਖ਼ਲ ਹੋਇਆ ਪਾਕਿਸਤਾਨੀ ਡਰੋਨ

BolPunjabDe Buero

ਤਰਨਤਾਰਨ ਜ਼ਿਲ੍ਹੇ ਵਿਚ ਕੌਮਾਂਤਰੀ ਸਰਹੱਦ ਨੇੜੇ ਪਿੰਡ ਰਾਜੋਕੇ ਦੇ ਇਕ ਖੇਤ ਵਿਚੋਂ ਇਕ ਡਰੋਨ ਬਰਾਮਦ ਕੀਤਾ ਗਿਆ, ਜਦਕਿ ਫਿਰੋਜ਼ਪੁਰ ਜ਼ਿਲ੍ਹੇ ਵਿਚ ਇਕ ਹੋਰ ਡਰੋਨ (Drone) ਰਾਹੀਂ ਹੈਰੋਇਨ ਦਾ ਇਕ ਪੈਕੇਟ ਸੁੱਟਿਆ ਗਿਆ,ਸੀਮਾ ਸੁਰੱਖਿਆ ਬਲ (BSF) ਦੇ ਇਕ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿਤੀ,ਅਧਿਕਾਰੀ ਮੁਤਾਬਕ ਬੀ.ਐਸ.ਐਫ. (BSF) ਦੇ ਜਵਾਨਾਂ ਨੇ ਐਤਵਾਰ ਨੂੰ ਫਿਰੋਜ਼ਪੁਰ ਜ਼ਿਲ੍ਹੇ ਦੇ ਇਕ ਖੇਤ ਵਿਚੋਂ ਹੈਰੋਇਨ ਦਾ ਇਕ ਪੈਕੇਟ ਵੀ ਬਰਾਮਦ ਕੀਤਾ,ਜਿਸ ਨੂੰ ਡਰੋਨ (Drone) ਰਾਹੀਂ ਸੁੱਟਿਆ ਗਿਆ,ਉਨ੍ਹਾਂ ਦਸਿਆ ਕਿ ਬੀ.ਐਸ.ਐਫ. (BSF) ਦੇ ਜਵਾਨਾਂ ਨੇ ਫਿਰੋਜ਼ਪੁਰ ਦੇ ਪਿੰਡ ਗੱਟੀ ਰਾਜੋਕੇ ਨੇੜੇ ਤੜਕੇ 4:10 ਵਜੇ ਡਰੋਨ ਗਤੀਵਿਧੀ ਦੇਖੀ,ਅਧਿਕਾਰੀ ਅਨੁਸਾਰ ਬੀ.ਐਸ.ਐਫ. (BSF) ਦੇ ਜਵਾਨਾਂ ਨੇ ਪੰਜਾਬ ਪੁਲਿਸ (Punjab Police) ਨਾਲ ਸਾਂਝੇ ਸਰਚ ਅਭਿਆਨ ਦੌਰਾਨ ਪਿੰਡ ਗੱਟੀ ਰਾਜੋਕੇ ਨੇੜੇ ਇਕ ਖੇਤ ਵਿਚੋਂ ਢਾਈ ਕਿਲੋ ਹੈਰੋਇਨ ਦੇ ਪੈਕਟ ਬਰਾਮਦ ਕੀਤੇ ਹਨ,ਕੌਮਾਂਤਰੀ ਬਾਜ਼ਾਰ ਵਿਚ ਇਸ ਦੀ ਕੀਮਤ 12.5 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ।