ਮਲਾਵੀ ਦੇ ਉਪ ਰਾਸ਼ਟਰਪਤੀ ਸੌਲੋਸ ਕਲਾਸ ਚਿਲਿਮਾ ਤੇ 9 ਹੋਰ ਲੋਕਾਂ ਦੀ ਇਕ ਜਹਾਜ਼ ਹਾਦਸੇ ਵਿਚ ਮੌਤ ਹੋ ਗਈ
Malawi,11 June,2024,(Bol Punjab De):- ਮਲਾਵੀ ਦੇ ਉਪ ਰਾਸ਼ਟਰਪਤੀ ਸੌਲੋਸ ਕਲਾਸ ਚਿਲਿਮਾ (Vice President Saulos Claes Chilima) ਤੇ 9 ਹੋਰ ਲੋਕਾਂ ਦੀ ਇਕ ਜਹਾਜ਼ ਹਾਦਸੇ ਵਿਚ ਮੌਤ ਹੋ ਗਈ ਹੈ,ਮਲਾਵੀ ਦੇ ਰਾਸ਼ਟਰਪਤੀ ਨੇ ਇਹ ਜਾਣਕਾਰੀ ਦਿੱਤੀ,ਉਪ ਰਾਸ਼ਟਰਪਤੀ ਸੌਲੋਸ ਕਲਾਸ ਚਿਲਿਮਾ ਤੇ 9 ਹੋਰ ਲੋਕਾਂ ਨੂੰ ਲਿਜਾ ਰਹੇ ਜਹਾਜ਼ਦੇ ਲਾਪਤਾ ਹੋਣ ਦੀ ਖਬਰ ਸਾਹਮਣੇ ਆਈ ਸੀ,ਦੱਸਿਆ ਗਿਆ ਸੀ ਕਿ ਜਹਾਜ਼ ਅਚਾਨਕ ਰਡਾਰ ਤੋਂ ਗਾਇਬ ਹੋ ਗਿਆ ਸੀ,ਇਸ ਦੇ ਬਾਅਦ ਜਹਾਜ਼ ਅਧਿਕਾਰੀਆਂ ਨੇ ਜਹਾਜ਼ ਨਾਲ ਸੰਪਰਕ ਬਣਾਉਣ ਦੀਆਂ ਕਈ ਕੋਸ਼ਿਸ਼ਾਂ ਕੀਤੀਆਂ ਪਰ ਇਸ ਦਾ ਪਤਾ ਲਗਾਉਣ ਵਿਚ ਅਸਫਲ ਰਹੇ।
ਹੁਣ ਖਬਰ ਸਾਹਮਣੇ ਆਈ ਹੈ ਕਿ ਹਾਦਸੇ ਵਿਚ ਉਪ ਰਾਸ਼ਟਰਪਤੀ ਸਣੇ 9 ਹੋਰ ਲੋਕਾਂ ਦੀ ਮੌਤ ਹੋ ਗਈ,ਮਲਾਵੀ (Malawi) ਦੇ ਰਾਸ਼ਟਰਪਤੀ ਦਫਤਰ ਵੱਲੋਂ ਜਾਰੀ ਬਿਆਨ ਵਿਚ ਕਿਹਾ ਗਿਆ ਕਿ ਉਪ ਰਾਸ਼ਟਰਪਤੀ ਰੱਖਿਆ ਬਲ ਦੇ ਜਹਾਜ਼ ਵਿਚ ਸਵਾਰ ਸਨ,ਇਹ ਜਹਾਜ਼ ਸਥਾਨਕ ਸਮੇਂ ਮੁਤਾਬਕ ਸਵੇਰੇ 9 ਵਜ ਕੇ 17 ਮਿੰਟ ‘ਤੇ ਰਾਜਧਾਨੀ ਲਿਲੋਂਗਵੇ ਤੋਂ ਰਵਾਨਾ ਹੋਇਆ ਸੀ,ਇਸ ਦੇ ਬਾਅਦ ਜਹਾਜ਼ ਅਚਾਨਕ ਰਡਾਰ (Radar) ਤੋਂ ਗਾਇਬ ਹੋ ਗਿਆ ਸੀ,ਇਸ ਦੇ ਬਾਅਦ ਰਾਸ਼ਟਰਪਤੀ ਲਾਜਰਸ ਚਕਵੇਰਾ ਨੇ ਸੁਰੱਖਿਆ ਬਲਾਂ ਤੋਂ ਜਹਾਜ਼ ਪਤਾ ਲਗਾਉਣ ਲਈ ਤਤਕਾਲ ਖੋਜ ਤੇ ਬਚਾਅ ਮੁਹਿੰਮ ਸ਼ੁਰੂ ਕਰਨ ਦਾ ਹੁਕਮ ਦਿੱਤਾ ਸੀ।
