ਅਮਰੀਕਾ ਦੇ ਟੈਕਸਾਸ,ਓਕਲਾਹੋਮਾ ਅਤੇ ਅਰਕਨਸਾਸ ਸੂਬਿਆਂ ਵਿਚ ਆਏ ਤੂਫ਼ਾਨ ਕਾਰਨ 21 ਲੋਕਾਂ ਦੀ ਮੌਤ ਹੋ ਗਈ ਅਤੇ 42 ਤੋਂ ਵੱਧ ਜ਼ਖਮੀ

Washington,28 May,2024,(Bol Punjab De):-  ਐਤਵਾਰ (26 ਮਈ) ਨੂੰ ਅਮਰੀਕਾ ਦੇ ਟੈਕਸਾਸ,ਓਕਲਾਹੋਮਾ ਅਤੇ ਅਰਕਨਸਾਸ ਸੂਬਿਆਂ ਵਿਚ ਆਏ ਤੂਫ਼ਾਨ ਕਾਰਨ 21 ਲੋਕਾਂ ਦੀ ਮੌਤ ਹੋ ਗਈ ਅਤੇ 42 ਤੋਂ ਵੱਧ ਜ਼ਖਮੀ ਹੋ ਗਏ,ਅਮਰੀਕੀ ਮੀਡੀਆ ਹਾਊਸ ਸੀਐਨਐਨ (American Media House CNN) ਮੁਤਾਬਕ ਤੂਫ਼ਾਨ,ਗੜੇਮਾਰੀ ਅਤੇ ਤੇਜ਼ ਹਵਾਵਾਂ ਕਾਰਨ ਕਰੀਬ 10 ਕਰੋੜ ਲੋਕ ਪ੍ਰਭਾਵਿਤ ਹੋਏ ਹਨ,ਤੂਫ਼ਾਨ ਨਾਲ ਕਈ ਇਮਾਰਤਾਂ, ਬਿਜਲੀ, ਗੈਸ ਲਾਈਨਾਂ ਅਤੇ ਇੱਕ ਬਾਲਣ ਸਟੇਸ਼ਨ ਤਬਾਹ ਹੋ ਗਿਆ ਸੀ,ਵ੍ਹਾਈਟ ਹਾਊਸ (White House) ਮੁਤਾਬਕ ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ (US President Joe Biden) ਪੂਰੀ ਘਟਨਾ ‘ਤੇ ਨਜ਼ਰ ਰੱਖ ਰਹੇ ਹਨ,ਬਚਾਅ ਟੀਮ ਨੂੰ ਮੌਕੇ ‘ਤੇ ਭੇਜਿਆ ਗਿਆ ਹੈ।