Lucknow,30 March 2024,(Bol Punjab De):– ਇੰਡੀਅਨ ਪ੍ਰੀਮੀਅਰ ਲੀਗ (IPL) ‘ਚ ਅੱਜ ਲਖਨਊ ਸੁਪਰ ਜਾਇੰਟਸ (Lucknow Super Giants) ਅਤੇ ਪੰਜਾਬ ਕਿੰਗਜ਼ (Punjab Kings) ਵਿਚਾਲੇ ਮੈਚ ਖੇਡਿਆ ਜਾਵੇਗਾ,ਲੀਗ ਪੜਾਅ ਦਾ 11ਵਾਂ ਮੈਚ ਲਖਨਊ ਦੇ ਘਰੇਲੂ ਮੈਦਾਨ ਅਟਲ ਬਿਹਾਰੀ ਵਾਜਪਾਈ ਸਟੇਡੀਅਮ ‘ਚ ਹੋਵੇਗਾ,ਲਖਨਊ ਆਪਣੀ ਪਹਿਲੀ ਜਿੱਤ ਦਾ ਇੰਤਜ਼ਾਰ ਕਰ ਰਿਹਾ ਹੈ,ਜਦਕਿ ਪੰਜਾਬ ਨੇ ਦੋ ਵਿੱਚੋਂ ਇੱਕ ਮੈਚ ਜਿੱਤਿਆ ਹੈ,ਅਤੇ ਇੱਕ ਹਾਰਿਆ ਹੈ।
ਲਖਨਊ ਸੁਪਰ ਜਾਇੰਟਸ (Lucknow Super Giants) ਨੂੰ ਟੂਰਨਾਮੈਂਟ ਦੇ ਪਹਿਲੇ ਮੈਚ ‘ਚ ਰਾਜਸਥਾਨ ਰਾਇਲਜ਼ (Rajasthan Royals) ਤੋਂ 20 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ,ਪਿਛਲੇ ਸਾਲ ਜਦੋਂ ਦੋਵੇਂ ਟੀਮਾਂ ਆਈਪੀਐਲ (IPL) ਵਿੱਚ ਆਖਰੀ ਵਾਰ ਆਹਮੋ-ਸਾਹਮਣੇ ਹੋਈਆਂ ਸਨ ਤਾਂ ਲਖਨਊ ਨੇ 20 ਓਵਰਾਂ ਵਿੱਚ 257 ਦੌੜਾਂ ਬਣਾਈਆਂ ਸਨ,ਹਾਲਾਂਕਿ ਇਨ੍ਹਾਂ ਦੋਵਾਂ ਵਿਚਾਲੇ ਲਖਨਊ (Lucknow) ‘ਚ ਹੋਏ ਇਕਲੌਤੇ ਮੈਚ ‘ਚ ਪੰਜਾਬ ਨੇ ਜਿੱਤ ਦਰਜ ਕੀਤੀ ਸੀ।
