ਅਫਸਰ ਕਲੋਨੀ ਪਾਰਕ ਵਿੱਚ ਤੀਆਂ ਦਾ ਤਿਉਹਾਰ ਮਨਾਇਆ ਗਿਆ

……………………………………………………………………………………………………………

BolPunjabDe buero , ਸੰਗਰੂਰ

ਸਥਾਨਕ ਅਫਸਰ ਕਲੋਨੀ ਪਾਰਕ ਵਿਖੇ ਮਨਾਏ ਤੀਆਂ ਦੇ ਤਿਉਹਾਰ ਦੇ ਸਮਾਪਤੀ ਸਮਾਗਮ ਦੇ ਪ੍ਰਬੰਧਕ ਮਾਸਟਰ ਪਰਮਵੇਦ , ਸੁਰਿੰਦਰ ਸਿੰਘ ਭਿੰਡਰ, ਰਣਦੀਪ ਸਿੰਘ ਰਾਓ, ਨਾਜ਼ਰ ਸਿੰਘ, ਕ੍ਰਿਸ਼ਨ ਸਿੰਘ ਤੇ ਗੁਰਤੇਜ ਸਿੰਘ ਚਹਿਲ ਨੇ ਦੱਸਿਆ ਕਿ ਇਹ ਤਿਉਹਾਰ ਭਾਈਚਾਰਕ ਸਾਂਝ , ਆਪਸੀ ਮਿਲਵਰਤਣ , ਪ੍ਰੇਮ ਪਿਆਰ , ਇਕਸੁਰਤਾ ਤੇ ਸਹਿਜਤਾ ਸਿਰਜਦਾ ਹੋਇਆ ਕਲੋਨੀ ਦੀਆਂ ਸਮੁੱਚੀਆਂ ਔਰਤਾਂ ਤੇ ਬੱਚਿਆਂ ਵੱਲੋਂ ਪੂਰੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਉਨ੍ਹਾਂ ਹੜ੍ਹ ਪੀੜਤਾਂ ਪਰਿਵਾਰਾਂ ਨਾਲ ਹਮਦਰਦੀ ਦਾ ਪ੍ਰਗਟਾਵਾ ਵੀ ਕੀਤਾ।

ਇਹ ਤਿਉਹਾਰ ਜਿਹੜਾ 20 ਤੋਂ 24 ਅਗਸਤ ਤੱਕ ਚੱਲਿਆ, ਦੀ ਸੰਚਾਲਕਾਵਾਂ ਸੁਨੀਤਾ ਰਾਣੀ, ਅਮ੍ਰਿਤਪਾਲ ਕੌਰ ਚਹਿਲ, ਬਲਜਿੰਦਰ ਕੌਰ ਭਿੰਡਰ, ਜਸਵੀਰ ਕੌਰ ਸੇਖੋਂ,ਅਮਨਦੀਪ ਕੌਰ ਸੰਧੂ,ਬਲਜਿੰਦਰ ਕੌਰ ਤੂਰ, ਪ੍ਰੋਮਿਲਾ ਜੈਨ ਨੇ ਦੱਸਿਆ ਕਿ ਔਰਤਾਂ ਤੇ ਬੱਚਿਆਂ ਨੇ ਪੰਜਾਬੀ ਗਿੱਧੇ ਦੋਰਾਨ ਪੰਜਾਬੀ ਬੋਲੀਆਂ, ਲੋਕ ਗੀਤਾਂ , ਪੁਰਾਤਨ ਝਾਕੀਆਂ ਰਾਹੀਂ ਹਾਜ਼ਰੀ ਲਵਾ ਕੇ ਖੂਬ ਰੰਗ ਬੰਨਿਆ।ਉਨ੍ਹਾਂ ਕਿਹਾ ਕਿ ਅਜਿਹੇ ਤਿਉਹਾਰ ਜਿਥੇ ਆਪਸੀ ਪਿਆਰ, ਸਹਿਯੋਗ ,ਮਿਲਵਰਤਨ ਤੇ ਭਾਈਚਾਰਕ ਸਾਂਝ, ਵਧਾਉਂਦੇ ਹਨ ਉਥੇ ਆਪਣੇ ਪੁਰਾਤਨ ਵਿਰਸੇ ਨਾਲ ਜੋੜਦਿਆਂ ਰੂਹ ਨੂੰ ਖੁਸ਼ੀ ਤੇ ਖੇੜਾ ਵੀ ਪ੍ਰਦਾਨ ਕਰਦੇ ਹਨ।