ਸੁਖਜਿੰਦਰ ਸਿੰਘ ਝੱਲ,ਅਮਰਗੜ੍ਹ
ਭਾਰਤੀ ਜਨਤਾ ਪਾਰਟੀ ਵੱਲੋਂ ਸੁਨੀਲ ਜਾਖੜ ਨੂੰ ਪੰਜਾਬ ਦਾ ਪ੍ਰਧਾਨ ਲਗਾਏ ਜਾਣ ‘ਤੇ ਅਮਰਗੜ੍ਹ ਦੇ ਭਾਜਪਾ ਵਰਕਰਾਂ ਵੱਲੋਂ ਸੀਨੀਅਰ ਆਗੂ ਪ੍ਰਗਟ ਸਿੰਘ ਜਲਾਲਗੜ੍ਹ ਦੀ ਅਗਵਾਈ ਹੇਠ ਲੱਡੂ ਵੰਡਦਿਆਂ ਖੁਸ਼ੀ ਮਨਾਈ ਗਈ । ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਹਰਮਨਪ੍ਰੀਤ ਕੌੜਾ ਅਤੇ ਪਵਨ ਸ਼ਰਮਾ ਨੇ ਦੱਸਿਆ ਕਿ ਸੁਨੀਲ ਜਾਖੜ ਦੇ ਪੰਜਾਬ ਪ੍ਰਧਾਨ ਬਣਾਏ ਜਾਣ ਨਾਲ ਭਾਜਪਾ ਜਮੀਨੀ ਪੱਧਰ ‘ਤੇ ਮਜਬੂਤ ਹੋਵੇਗੀ ਕਿਉਂਕਿ ਉਹ ਇਕ ਕੱਦਾਵਰ ਆਗੂ ਹੋਣ ਦੇ ਨਾਲ ਨਾਲ ਸਮੇਂ ਦੀ ਨਬਜ਼ ਵੀ ਚੰਗੀ ਤਰਾਂ ਪਛਾਣਦੇ ਹਨ । ਉਨ੍ਹਾਂ ਆਖਿਆ ਕਿ ਆਉਣ ਵਾਲੀਆਂ ਲੋਕ ਸਭਾ ਅਤੇ ਵਿਧਾਨ ਸਭਾ ਚੋਣਾਂ ਵਿੱਚ ਭਾਜਪਾ ਆਪਣੇ ਬਲਬੂਤੇ ‘ਤੇ ਕਾਮਯਾਬੀ ਹਾਸਿਲ ਕਰੇਗੀ ਅਤੇ ਪੰਜਾਬ ਦੇ ਆਵਾਮ ਨੂੰ ਲੁੱਟਣ ਵਾਲਿਆਂ ਤੋਂ ਕਿਨਾਰਾ ਕਰਦੇ ਹੋਏ ਲੋਕ ਹੁਣ ਭਾਜਪਾ ਨੂੰ ਇੱਕ ਵਾਰ ਮੌਕਾ ਜ਼ਰੂਰ ਦੇਣਗੇ । ਇਸ ਮੌਕੇ ਇਕੱਠੇ ਹੋਏ ਭਾਜਪਾ ਵਰਕਰਾਂ ਵੱਲੋਂ ਕੌਮੀ ਪ੍ਰਧਾਨ ਜੇ ਪੀ ਨੱਡਾ ਦਾ ਧੰਨਵਾਦ ਕਰਦਿਆਂ ਨਵੇਂ ਪ੍ਰਧਾਨ ਸੁਨੀਲ ਜਾਖੜ ਦਾ ਸਵਾਗਤ ਕੀਤਾ ਗਿਆ । ਇਸ ਮੌਕੇ ਹਰਮਲ ਸੇਖੋਂ , ਬਲਭੱਦਰ ਸਿੰਗਲਾ , ਗੁਰਪ੍ਰੀਤ ਸਿੰਘ ਮੰਡਲ ਪ੍ਰਧਾਨ , ਨਰੇਸ਼ ਸ਼ਰਮਾਂ , ਪ੍ਰਵੀਨ ਸ਼ੁਕਲਾ ਜਿਲ੍ਹਾ ਸਕੱਤਰ , ਧਰਮਪਾਲ ਬੱਲੀ , ਮਨਪ੍ਰੀਤ ਗੋਇਲ , ਹਸਨ ਖ਼ਾਨ , ਅਜੇ ਸਿੰਘ , ਸਰਜੀਵਨ ਸਿੰਗਲਾ ਭੋਲਾ , ਅੰਮ੍ਰਿਤਪਾਲ ਜੋਸ਼ੀ ਆਦਿ ਹਾਜ਼ਰ ਸਨ ।
